KASB TANLASHDA MAKTAB PSIXOLOGLARINING O’RNI

Abstract

Jamiyatda kechayotgan ijtimoiy – iqtisodiy islohotlar, shakllanayotgan
madaniy bozor munosabatlari, ishlab chiqarishning keskin rivojlanishi, fan va
texnikaning taraqqiyoti qizg’in kechayotgan davrda jamiyat va shaxs ehtiyojlarining
uzviy mutanosibligiga erishish yoki uni ta’minlash oson ish emasligini tasdiqlamoqda.
Chunki hamisha ham yoshlar o’z iqtidori, salohiyati, aqliy va intellektual potentsialiga
mos va jamiyat uchun manfaat keltiruvchi kasblarni tanlay olmaydilar. Bu qarama -
qarshilikni “silliqlash” uchun yoshlarda kasb tanlashning ijobiy (pozitiv) motivlarini
shakllantirishda jamiyat va jamoatchilik ta’sirini va maktab psixologlarining, ota-
onalarning o’rnini kuchaytirish o’ta muhim ahamiyatga ega. Bu hayotiy dolzarb vazifa
yoki muammoni hal etishda albatta oila va maktab, mahalla va jamoatchilik, ommaviy
axborot vositalari hamda boshqa tuzilmalar yaxlit tizim sifatida bir maqsad atrofida
uyushishlari lozim bo’lmoqda[3].