MAKTAB O‘QUVCHILARIDA KASBIY MOTIVLARNING NAMOYON BO‘LISHIGA TA’SIR QILUVCHI ASOSIY OMILLAR

Abstract

Kasb tanlash jarayoni ijtimoiy ahamiyat kasb etsa-da, lekin uning ortida
jismoniy individual shaxs turadi. Xolbuki shunday ekan, har bir kasb tanlovchi
shaxsiyatiga individual munosabatni amalga oshirish zarur. Kasbiy bilim – shaxsni
kasbning mohiyati bilan, har bir kasbning shaxs oldiga qo‘yadigan talablari bilan
tanishtirishdan iborat ta’sirchan axborotlar majmuasidir. Ma’lumotlarning aniqligi,
to‘liqligi, xususiy va ijtimoiy ahamiyati ifodalanganligi bilan boshqa tarkiblardan
ajralib turadi. Kasb maorifi insonning yoshi, jinsi, saviyasiga ko‘ra xilma – xil tarzda
amalga oshiriladi, shakllari esa verbal va noverbal, kuzatuv va tanishuv, ko‘rgazmali
va grafik, uchrashuv kabi tadqiqotlarga ega. Kasb tanlashga ta’sir etuvchi asosiy
omillar mohiyati quyidagilarda o‘z ifodasini topadi: Ta’lim – tarbiya tizimida kasbga
yo‘llash faoliyatining (tadbir va choralarining) mazmuni va metodikalari majmuasi
mukammal ravishda mujassamlashganligi.