TEXNIK MEXANIKA FANINING UMUMIY TUSHUNCHALARI

Abstract

Davlatimizning rivoji va ertangi kunga bo‘lgan ishonchi ko‘p jihatdan
zamonaviy, raqobatbardosh mashina va mexanizmlar moslamalarini ishlab chiqarishga
bog‘liqdir. Akademik M.T.O‘razboyev quyidagi so‘zlarni aytgan edi: «Olim kelajakni
o‘z ruhiy dunyosining eng baland cho‘qqisidan turib ko‘ra olishi va atrofdagilarni
shubhalanmasdan yetaklashi bilan boshqalardan farq qilishi kerak. Bu esa kelajakda
ijodkor kishilarni ko‘paytiradi, ijod natijasida mehnat unumdorligi oshishiga olib
keladi». Mehnat unumdorligini oshirishdagi asosiy omillardan biri ishlab chiqarishga
yangi mashina va mexanizmlarni joriy qilib, uning texnika darajasini oshirib borishdan
iborat. Yuqoridagi vazifalarni hal kilishda “Texnik mexanika” fanining alohida o‘rni
bor. “Texnik mexanika” fani mexanizmlarning tuzilishi, ularning kinematikasi va
dinamikasi, materiallarning mustahkamligi, bikrligi, ustuvorligi hamda ularni
loyihalash usullarini o‘rganuvchi fandir.