BOSHLANG‘ICH TA’LIM YOSHIDAGI BOLALARNI MAKTABGA MOSLASHUVINING PSIXOLOGIK JIHATLARI
Abstract
Maktabga qabul qilinadigan bola o‘z hayotining eng muhim davriga, ya’ni,
maktab tomonidan qo‘yiladigan turli-tuman talablarni bajarishga, ta’lim olishga ham
jismoniy, ham psixologik jihatdan tayyor bo‘lishi lozim. Negaki, jismonan sog‘lom
bola maktabga tavsiya etilar ekan, u aqliy saviyasi bilan his-tuyg‘ulari va ijtimoiy
onglilik darajasi bilan ma’lum talablarga javob berishi kerak.Aqliy yetuklik sohasida
diqqat qilinishi zarur bo‘lgan bilish jarayonlari va tashqi muhitni nechog‘lik to‘liq va
to‘g‘ri aks yettira olishni aniqlash muhimdir. Tarkiban bu hislatlar bolaning idroki,
ixtiyoriy diqqati, voqea va hodisalarni tahlil qila olishi, sabab va oqibat
tasavvurlarining shakllanganligi, mantiqiy tafakkur hislatlari, mantiqiy xotira,
maqsadli faoliyatni izchil bajara olishi, yangilikka intilish, unga qaratilgan murojaatni
qabul qila olish, sodda maqolaning mazmunini tushuna olish, barmoqlarining nozik
harakatlari va ko‘z -harakat mutanosibligi kabi ko‘pgina ko‘rinishlarni o‘z ichiga oladi.
References
Foydalanilgan adabiyotlar:
E.G’oziev. Yosh davrlar psixologiyasi. Toshkent, 1996.
E. G’oziev. Umumiy psixologiya. I-II tom. Toshkent, 2002.
G’oziev E. G’. Psixologiya (Yosh davrlar psixologiyasi). Toshkent, 2002.
G’oziev E. G’. Differensial psixofiziologiya. Toshkent, 1999
