BOLALARDA KO'P UCHRAYDIGAN QIZAMIQ KASALLIGINING KELIB CHIQISH SABALARI

Аннотация

Qizamiq nima
Qizamiq-bu o'tkir yuqumli virusli kasallik bo'lib, u tana haroratining ko'tarilishi,
ko'p miqdorda toshma va shamollash alomatlari bilan namoyon bo'ladi. Qizamiqning
ikki shakli mavjud – atipik va tipik. Birinchisi osonroq kechadi va o'z navbatida
quyidagilarga bo'linadi:
Mitigatsiyalangan atipik qizamiq. Inkubatsiya davrida profilaktika maqsadida
qizamiqqa qarshi immunoglobulin yuborilgan yoki qizamiqqa qarshi
immunoglobulinlarni o'z ichiga olgan qon quyilgan odamlarda uchraydi. Ushbu turdagi
kasallikda kataral davr yo'q, tana harorati maksimal 38°C gacha ko'tariladi, Filatov-
Koplikov dog'lari (og'iz shilliq qavatida mayda oq dog’lar) hosil bo'lmaydi.
Abortiv atipik qizamiq. Tana harorati ko'tariladi va 3-4 kun davomida pasaymaydi.
Toshmalar och pushti, ko’p emas, faqat tananing yuqori qismida va yuzida paydo
bo'ladi. Bemor 4-5 kun ichida sog’ayadi.