AYOLLAR YUBKALARI HAQIDA MA'LUMOT
Аннотация
Yubka mustaqil kiyim sifatida yoki ayollar va qizlar kiyimining bir qismi bo'lishi
mumkin. Hozirgi zamonaviy Yubkalarning fasonlari turli tuman. Yubkalarni bir
chokli, ikki chokli va ko'p chokli qilib tikiladi. Ikki chokli yubkaning asos chizmasidan
rurli bichimlardagi yubkalarning fasonini yaratsa bo'ladi. Yubkalar mavsumga, istak
va hohishga qarab tanlanadi. Yubkalar belli kiyimlar turkumiga kiradi. Yubkalar
bichimiga ko'ra: to'g'ri bichimli, etagiga kengaygan bo'lishi mumkin. To'g'ri bichimli
Yubkalar o'z navbatida: to'g'ri bichim, etagiga toraygan, etagiga bir oz kengaygan,
shakllariga ega bo'ladi. Bunday Yubkalar shaklini beldagi burmalar, gir aylangan
tahlamalar, koketkali Yubkalar hisobiga hosil qilish mumkin. Etagiga kengaygan
Yubkalarga: bo'lakli va quyosh, yarim quyosh Yubkalar kiradi. Yubkalarni bezak
baxyaqator, tasma, tugmacha, kashtalar va hokazolar bilan bezash mumkin. Yubka
taqilmasiga "molniya" tasma, ilgak, tugmalar bilan ishlov berish mumkin. Yubkalar
kiyilish o'rni va mavsumga qarab turli materiallardan tikiladi. Qish va bahot-kuz
mavsumida kiyiladigan Yubkalar uchun jun va yarim jun gazlamalar va trikotaj
materiallar, suniy tolali materiallar tanlanadi. Bu materiallar issiq tutadigan,
gigroskopikligi yuqori, qayishqoq va shaklni yaxshi saqlaydigan bo'lishi kerak. Yozgi
Yubkalar uchun yengil gazlamalar - ip gazlama, tabiiy va suniy shoyilar, shtapel,
poplin, trikotaj kabi materiallar tanlanadi. Yubkalar vazifasiga ko'ra kundalik,
bayramda kiyiladigan bo'ladi. Kimga mo'ljallanganligiga qarab: yoshlar, o'rta yoshlar,
kattalar Yubkalariga bo'linadi. Yubka konstruksiyasini chizishda avval bichimi
tanlanadi, so'ng shahsiy figura to'laligi hissobga olinib zamonaviy moda yo'nalishiga
mos model aniqlanadi. To'g'ri Yubka va uning variantlari ixcham bo'ksali ayollar
figurasini kelishgan qilib ko'rsatsdi. Etak qismi toraytirilgan Yubka bashang
kiyimlarda ko'proq uchraydi. Bunday Yubkalar qattiqroq gazlamadan tikiladi. Yubkani
modellashtirishda tikish uchun tanlangan gazlama hossalarini va figuraning to'laligini
ham hissobga olish zarur. Yubka va mayin gazlamalardan etagi kengaytirilgan
Yubkalar, cho'ziluvchan gazlamadan torroq Yubka tikish ma'qulroqdir.
