O‘QITUVCHI VA O‘QUVCHILAR HAMKORLIGINI TASHKIL ETISHDA TRENING MASHG’ULOTLARINING O‘RNI

Abstract

Hozirgi davrda odamlar orasida ruhiy zo‘riqish hollari avvalgi paytlardagiga
nisbatan ancha ko‘p uchrayotganligi va buning natijasida ko‘pgina hayotiy muammolar
vujudga kelayotganligi ko‘pchilikni, ayniqsa keng jamoatchilikni, shuningdek aynan
psixolog mutaxassislarni ham tashvishga solayotganligi bejiz emas. Aytish mumkinki
bunday holatlar turli darajadagi zo‘riqishlar natijasida vujudga kelmoqda.
Buning uchun psixologik jixatdan yordam beruvchi treninglarning o‘rni
beqiyosdir.Treningning asosiy maqsadi: shaxsni psixologik (ruhiy) ozod qilish, bunda
tabiiy erkinlikni his etishni, o‘z guruhida va undan tashqarida o‘zaro munosabat va
aloqa o‘rnata olishdan iborat .Demak-ki, trening — shaxsda mavjud bo‘lgan yoki
vujudga keladigan muammolarni hal qilish uchun zarur bo‘lgan bilim, ko‘nikma
malakalarni hosil qilish maqsadida bahs-munozara, o‘yin va mashqlar orqali
o‘tkaziladigan mashg’ulotlar yig’indisidir. Shuni alohida qayd etish lozimki, trening
jarayonida muammolarni yechish ham, bu boradagi bilim, ko‘nikma va malakalarni
hosil qilish ham trenerdan shaxs psixologiyasi, shaxs individual psixologiyasi bilan
ishlashni taqozo etadi. Shuning uchun psixologiyada bunday treninglar psixologik
treninglar deb ataladi.