XORAZMDA DEMOGRAFIK XUSUSIYATLARNI RIVOJLANISHI.

Аннотация

Demografiya har yili turli sabablarga koʻra vafot etgan aholi oʻrnini yangidan
dunyoga kelgan avlod hisobiga toʻldirib borilishi qonuniyatlarini ijtimoiy-tarixiy
sharoitlarga bog'lik holda oʻrganadigan fan. Demografiyaning maqsadi muayyan
hudud, mamlakat, dunyo aholisi va millatning takror barpo boʻlishi jarayoni va
omillarini oʻrganish, muammolarni belgilab, yechimlarni aniqlash va istiqbolini
koʻrsatib berishdan iborat. Demografiyaning vazifalari: demografik jarayonlar va
ularning omillarini oʻrganish; demografik bashoratlarni ishlab chiqish, demografik
siyosat chora-tadbirlarini ishlab chiqish. Demografik siyosat ijtimoiy-iqtisodiy
siyosatning ilmiy asosini tashkil etmogʻi lozim. Shundagina jamiyat har tomonlama
muntazam rivojlanib boradi.Demografik tadqiqot usuli — statistik, tarixiy taqqoslash,
haritagrafik, sotsiologik, matematik va mantiqiy fikrlash. Demografiyaning taxliliy
metodi statistikadan farq qiladi: unda mavhum fikrlash usulidan keng foydalanish
asosida aholi tarkibida kelgusida roʻy beradigan miqdor va sifat oʻzgarishlari ham
oʻrganiladi. Shu jihatdan demografik statistika demografiyaning bir qismidir.